Deputetja e PS-së Milva Ekonomi ishte e ftuar në studion e rubrikës “Opinion” në “News 24” prej ku theksoi se PS-ja po punon fort për të përmbushur Reformën Zgjedhore.
Ekonomi tha se viti 2021 është shumë afër dhe PS-ja ka punuar e do të vazhdojë të punojë me vendosmëri për ato çështje që i konsideron të drejta dhe në dobi të shqiptarëve: “I kemi vënë vetes detyrë që të punojmë për Reformën Zgjedhore. Ne duam standardin, jo pjesëmarrjen. Viti 2021 është shumë afër dhe ne duhet të punojmë fort. Ne besojmë shumë te Kushtetutshmëria dhe ligjshmëria.
Reforma Zgjedhore dhe Kushtetuta janë të rëndësishme për ne. Nëse ne kishim zgjedhje më 30 qershor, kjo erdhi për shkak të Kushtetutës. Për ne deputetët dhe anëtarë të Partisë Socialiste, proceset demokratike përkojnë me ligjshmëri. 30 qershori ishte një ditë zgjedhjesh. 30 qershori ishte provë e mirë”.
