Një shqiptar ka humbur jetën në burgun e qytetit të Patrës, në Greqi, ndërsa ngjarja e rëndë është mbajtur e fshehtë nga autoritetet dhe mediat vendase.
Ngjarja ka ndodhur të shtunën e kaluar, ndërsa shqiptari identifikohet me inicialet K.B., 55-60 vjeç, nga qyteti i Fierit. Raportohet se viktima ndodhej prej dy vitesh në burg, ku ishte dënuar për lëndë narkotike.
Sipas gazetarit Shpëtim Zinxhira, familja e shqiptarit ka tërhequr trupin e pajetë të viktimës dhe sot e ka varrosur atë ne Shqipëri.
Nuk bëhen ende të ditura shkaqet e vdekjes së shqiptarit në burgun e vendit fqinj.
