Drejtuesja e Këshillit të Lartë Gjyqësor Naureda Llagami ditën e sotme në Komisionin e Ligjeve foli ndër të tjera edhe për Gjykatën e Lartë, që sipas saj do të jetë gati në shtator.
Llagami tha se aktualisht është një kohë e vështirë për gjyqësorin për shkak se gjyqtarët dhe prokurorët janë shkarkuar nga Vettingu.
“Mirëfunksionimi i gjyqësorit nuk është vetëm Gjykata e Lartë, por edhe mungesa e gjyqtarëve në qytete. Duhet t’i garantojmë që personat që do shkojnë në Gjykatën e Lartë do të jenë profesionalë që i kërkon kjo Reformë. Ne sot jemi koshientë që sistemi po vuan dhe është në një situatë të vështirë se një pjesë e gjyqtarëve po largohen, por nuk mund të lejojmë që të fusim në sistem njerëz të paverifikuar. Kemi hartuar dy projekt rregullore që kanë krijuar një standard, kandidatët do t’i nënshtrohen një procedure transparente për figurën e tyre. Në shtator do të jemi gati që të kemi vendimet e para të kësaj Gjykate”, tha Llagami.
