Ish-kryeministri Sali Berisha shprehet se OSBE/ODIHR deklaroi qartë se zgjedhjet e zhvilluara janë anti-kushtetuese. Në një prononcim për mediat, Berisha tha se dekreti i presidentit Meta është në fuqi akoma dhe se vetëm Gjykata Kushtetuese mund ta zhdekretojë atë.
“Zonja Glover, që njihen marrëdhëniet e mira me të. Misioni ODIHR me qartësi të plotë ligjore deklaroi se këto zgjedhje janë antikushtetues në Shqipëri. Misioni deklaroi se dekreti i presidentit është në fuqi, dhe ai mund të sfidohet jo nga narkokomisionerët e PS në KQZ dhe jo nga narkogjykatësit. OSBE/ODIHR deklaroi se dekreti mund të gjykohet vetëm nga Gjykata Kushtetuese”, deklaroi Berisha.
Sipas Berishës, OSBE/ODIHR iu tha qartë shqiptarëve se KQZ-ja e braktisi ligjin dhe çdo gjë e interpretoi në mënyrë kreative.
“Ata deklaruan se dekreti i presidentit Ilir Meta është në fuqi. Se ai mund të sfidohet vetëm në Gjykatën Kushtetuese. Në këtë deklaratë ata shpallën zgjedhjet antikushtetuese kurse ata të cilët u përpoqën të justifikohen e të zgjedhin kolegjin nën satrën e vettingut për t’u gjykuar, atyre le t’u mbetet po të kenë ndërgjegje. U anësuan në farsën moniste elektorale. Po ky ‘think tank’ ligjor i ODIHR iu tha shqiptarëve se narkokomisioni i Denar Bibës e zbatoi ligjin në mënyrë kreative. Ua tha duke u tallur. Ndër të tjera regjistroi një parti e cila mund të ishte regjistruar vetëm po të ishte formuar 6 muaj më parë. ODIHR për mendimin tim duhet të braktiste zgjedhjet moniste.Këto janë historia komplekse. Nuk e kanë marrë vetë vendimin. S’mund t’i fajësoj por megjithatë kurajë civile mund të kishin për të thënë se nuk i vëzhgojmë këto zgjedhje”, u shpreh Berisha.
