Është padyshim avioni më i shtrenjtë në botë, dhe jo pa arsye. Puna për ndërtimin e tij nga kompania “Northrop Grumman”, nisi që në fund të viteve 1970, ndërsa prototipi i parë u prodhua në vitin 1989. Ky avion luftarak është i frikshëm, jo vetëm për shkak të armatimit, por mbi të gjitha, për shkak se nuk mund të gjurmohet dot as nga radarët.
Dhe kjo mundësohet nga teknika e quajtur “lakimi i vazhdueshëm”, që e garanton forma e tij e veçantë. Puna e një avioni të tillë, kushton plot 135 mijë dollarë në vetëm 1 orë. Brenda avionit ka një sobë të përgatitur ushqimin, një shtrat dhe një tualet. Piloti, mund të flejë për njëfarë kohe gjatë misioneve të gjata, duke aktivizuar pilotin automatik.
B-2 Spirit, mund të fluturojë deri në 15 mijë metra lartësi, dhe të përshkojë pa u ndalur një distancë mbi 11 mijë km, me një shpejtësi maksimale prej 1.010 km/h. Ky avion, kushton mbi 2 miliardë dollarë. Për shkak të kostos të lartë, nga 132 copë të projektuar në fillim, janë ndërtuar vetëm 22 të tillë.
Edhe pse është projektuar për të hedhur bomba bërthamore, B-2 Spirit, është përdorur edhe në misione konvencionale, si në Luftën e Kosovës në vitin 1999, në Afganistan, Libi dhe Irak./ TIRANA TODAY
