Presidenti Ilir Meta, ashtu sikundër kishte paralajmëruar, ka dalë sot në një konferencë për shtyp me qëllim për të propozuar zgjidhjen e krizës politike.
Në fjalën e mbajtur, Meta deklaroi se kriza mund të tejkalohet vetëm nëse bëhen në 13 tetor edhe zgjedhje të përgjithshme dhe për presidentin, ndërsa kërkoi që kryeministri Rama të propozojnë emrin e kandidatit.
“Zgjedhjet janë në 13 Tetor, dekretin e presidentit mund ta diskutojë vetëm Gjykata Kushtetuese, nuk ka KQZ-ra dhe opozita të reja të Unazës së Re, dhe me Kolegjin socialist, nuk ka njeri që mund të vërë në diskutim dekretin e presidentit. Nëse kërkoni zgjidhje, unë kam dhënë gjithmonë të tilla. Kam bërë përpjekjet e mija për çdo zgjidhje, në interes të shqiptarëve që duan të zgjedhin, ata nuk patën mundësi që të zgjidhnin në 30 Qershor, për faj të të dyja palëve. Në 13 Tetor edhe zgjedhje të përgjithshme edhe zgjedhje për presidentin. Edi Rama dhe kuvendi socialist le të vënë kandidat kë të duan”, tha Meta.
