Ditën e sotme në Shqipëri janë duke u mbajtur zgjedhjet lokale, ku opozita i ka bojkotuar, Presidenti Ilir Meta, ka anuluar ato dhe i ka shtyrë për më datë 13 tetor, ndërsa qeveria dhe kryeministri Rama nuk janë tërhequr.
Gazeta italiane “Corriere Della Sera” i ka kushtuar një artikull zgjedhjeve vendore në Shqipëri ku nënvizon se mes zgjedhësve të regjistruar janë edhe këngëtari italian Albano Karrizi dhe prezantuesi i njohur, Ezio Greggio, sipas një hulumtimi të realizuar nga gazeta italiane.
Më pas “Corriere Della Sera” njofton publikun italian se ky vend ballkanik do të zgjedhë 61 kryetarë bashkish dhe këshillat bashkiak në zgjedhje të bojkotuara nga opozita.
