Nuk kanë të mbaruar takimet e presidentit Meta gjatë ditës së sotme. Presidenti i Republikës, Ilir Meta ka takuar pak më parë kryetarin e PDIU-së, Shpëtim Idrizin pas vendimit të tij për të caktuar datën e 13 tetorit për të zhvilluar zgjedhjet.
Në njoftimin e dalë, Kreu i Shtetit, Meta i bën thirrje opozitës të mos provokohet pasi kushtetuta ja jep atij të drejtën eksluzive për përcaktimin e datës së zgjedhjeve.
Në fund të deklaratës, Meta shpreh besimin se Kryeministri Rama do të reflektojë deri të shtunën.
Njoftimi i plotë:
“Në vijim të konsultave me partitë politike, për caktimin e 13 tetorit 2019 si datë të zgjedhjeve vendore dhe zgjidhjen e krizës aktuale, prita sot në takim kryetarin e PDIU, z. Shpëtim Idrizi.
Kushtetuta e Republikës së Shqipërisë i jep ekskluzivisht të drejtën për të caktuar datën e zgjedhjeve, vetëm Presidentit të Republikës.
Ndaj e ftoj opozitën të jetë më e qetë dhe të mos provokohet nga askush që kërkon trazira në Shqipëri dhe në Ballkan.
Si studentë të Dhjetorit ’90, së bashku me z.Idrizi shprehëm besimin se Kryeministri Rama do të reflektojë deri të shtunën”.
