Kryetari i Bashkisë Lezhë Fran Frrokaj, është proceduar penalisht në gjendje të lirë për veprën penale “Pengimi i subjekteve zgjedhore” nga specialistët për Hetimin e Krimit në Komisariatin Lezhë.
Sipas policisë, gjatë një emisioni televiziv ai dyshohet se ka konsumuar elementët e veprës penale “Pengim i subjekteve zgjedhore”.
Frrokaj ka deklaruar në një emision se “do të bllokojmë KZAZ, do ta mbyllim me çelës e nuk do të lejojmë zgjedhje”.
Gjithashtu, specialistët e Hetimit të Krimit në Komisariatin Mirditë kanë proceduar penalisht për vepra penale kundër procesit zgjedhor në vend, shtetasit A.K., 34 vjeç, banues në Mirditë; Gj.P., 28 vjeç, banues në Mirditë. Këto të fundit akuzohen se kanë dalë në institucione, kanë shkruar parulla dhe kanë fyer ata që do të marrin pjesë në zgjedhje.
