Valer Kolnikaj i cili u bë i njohur në Big Brother, mbetet ende një nga personazhet që është shumë aktiv dhe komentohet në media. Ai ka folur së fundmi në një intervistë për “Panorama Plus”, për ardhjen në jetë të djalit të tij.
“U gëzuam pafund që Dario u bë me vëlla, dhe urojmë të bekohemi sërish me vëllezër, sepse Mandalena thotë që djalë do të jetë prapë! Por të gjithë ne e duam dhe një vajzë. Pra, katër djem e një vajzë!”, ka treguar ai teksa më pas ka zbuluar se shumë shpejt do të rikthehet në ekran në një spektakël të madh.
Sipas tij, bëhet fjalë për një spektakël fantastik që do nis në shtator. Ai tashmë e ka firmosur kontratën.
“Kurse në televizion, këtë sezon të ri në shtator do të jem pjesë e një spektakli fantastik. Stafi ishte yll, me emocione në çdo javë, me audiencë të lartë, por që me praninë time synoj të rris kurbat dhe zhurmën që ka ky show, që është dhe qëllimi im personal kur më besohet një pjesëmarrje e bukur si kjo. Kontratën e kam firmosur që tani, por duhet të respektoj produksionin dhe mezi po pres të duroj pa e ndarë me publikun”, ka treguar ndër të tjera Valeri.
