Marshimi i opozitës në Shkodër ka nisur me përplasje të ashpra. Protestuesit janë përplasur me policinë dhe kjo e fundit ka lëshuar gaz lotsjellës e për pasojë janë lënduar 3 qytetarë mes tyre edhe një foshnjë njëmuajshe.
Policia nuk ka lejuar kalimin e ambulancës që mbante brenda 3 persona të lënduar ndërsa protestuesit kanë gjuajtur me gurë në drejtim të kordonit të policisë.
Foshnja është në gjendje të rëndë për jetën dhe është transportuar me urgjencë në spitalin e Shkodrës.
Protesta e opozitës ka nisur vetëm pak metra lart sheshit ku kryeministri Edi Rama pritet të zhvillojë një takim elektoral.
