Gazetari gjerman, Peter Tiede ka rënë pre e sulmeve në Facebook, pasi publikoi përgjimet që tronditën politikën shqiptare.
Profile false kanë sulmuar adresën e gazetarit, ndërsa ky i fundit shprehet se ka raportuar dhe fshirë disa prej tyre, e do të vijojë ta bëjë këtë kur të ketë më shumë kohë.
“Pas sulmeve me profilet false kam fshirë, bllokuar dhe raportuar disa. Më shumë episode, kur të kem kohë”, shkruan Peter Tiede.
Mbrëmjen e djeshme, Tiede publikoi 10 përgjime të reja të kryera nga Prokuroria Shqiptare, pjesë e dosjes 184 ku flitet sërish për skemën e organizuar nga Partia Socialiste për të siguruar fitoren në zgjedhjet lokale të vitit 2016-të në Dibër.
Bisedat zhvilloheshin mes ministrave (Damian Gjiknuri, Saimir Tahiri), deputetëve (Ulsi Manja, Xhemal Qefalia), zyrtarëve të lartë socialiste, drejtuesve të policisë (Robert Aga) dhe personave të identifikuar si të lidhur me krimin.
