Situata në vend sa vjen e tensionohet në kuadër të krizës politike dhe zhvillimeve të njëpasnjëshme. Ditën e sotme, ka pasur përplasje mes policisë dhe mbështetësve të opozitës, teksa këta të fundit kanë ndërhyrë duke shkatërruar materialet zgjedhore të vendosura në KZAZ.
Sot, presidenti Meta ka njoftuar drejtuesit e lartë të OSBE-ODIHR lidhur me dekretin e për të shfuqizuar datën zgjedhore të 30 qershorit.
Në letrën që mban datën 19 qershor 2019 dërguar përfaqësuesve të OSBE – ODHIR presidenti Meta i njofton zyrtarët se nëse zgjedhjet do të mbahen në kundërshtim me dekretin do të jenë nul dhe të pavlefshme.
Kreu i Shtetit sqaron se KQZ duhet te zbatoje dekretin e tij dhe përpjekjet e kryeministrit për të injoruar dhe bllokuar dekretin jane te paligjshme.
“Sipas legjislacionit në fuqi, dekreti me nr 1199 i datës 10.06.2019 është në fuqi dhe është i publikuar në fletoren zyrtare të republikës së Shqipërisë më datën 11 qershor
Për këtë dekreti është ligjor dhe duhet të implementohet nga të gjithë institucionet përfshirë dhe administratën e procesit zgjedhor në Shqipëri, përfshi dhe Komisionin Qendror të Zgjedhjeve. Për këtë arsye procesi zgjedhor që mund të mbahet në dhunim të dekretit të presidentit do të jetë nul dhe i pavlefshëm.
Për këtë arsye procesi zgjedhor që mund të mbahet në dhunim të dekretit të presidentit do të jetë nul dhe i pavlefshëm dhe përpjekjet e kryeministrit të Shqipërisë për të injoruar dhe bllokuar implementimin e dekretit të Presidentit të Republikës janë totalisht të paligjshme dhe perkeqesojne krizen në Shqipëri”,- shkruhet ndër të tjera në letër.
Letra i eshte derguar kryetarit te Radhës i OSBE-së njëherësh edhe Ministri i Jashtëm dhe për Çështjet Evropiane i Sllovakisë, Miroslav Lajčák, kryesueses së ODIHR-së për Institucionet Demokratike, Ingibjörg Sólrún Gísladóttir,
Sekretari i përgjithshem i asamblesë parlamentare të OSBE-së, Roberto Montella, Presidentit të OSBE-së, George Tsereteli, Sekretari i përgjithshem i OSBE-së, Thomas Greminger.
