Nga Alfred Peza/ Ilir Meta e tregoi edhe me gjakftohtësi, se e meriton që të mos jetë më Kreu i Shtetit Shqiptar.
E pranoi edhe vetë se nuk është përfaqësuesi i unitetit të popullit shqiptar.
Sepse e tha me zë e me figurë, se është thjeshte një ish Kryetar i një partie të krijuar për Integrimin, që i jep ZERO shanse popullit të vet, për të marrë çeljen e negociatave për integrimin.
Presidenti “i sëmurë” e “i përgjegjshëm”, që shkel Kushtetutën duke mos i dhënë datë popullit “të papërgjegjshëm” për të ushtruar të drejtën për të zgjedhur e për tu zgjedhur.
Ilir Meta ka gjetur mënyrën më origjinale për të arritur konsensusin:
Duke ngrënë drekë me Ish Kryeministrin e opozitës.
Duke qenë bashkëshorti i Kryetares së Partisë së opozitës. Duke folur me kryetarin e partisë tjetër më të madhe të opozitës.
Dhe duke e parë shefin e qeverisë… në televizor.
E tha se kishte vetëm një mënyrë që të zgjidhej situata:
Te iki Edi Rama.
A ju thotë gjë pas kësaj shprehja: Ose ikën Edi Rama, ose shkrihet opozita?
Do shkarkohet.
