Krimet e Rënda kanë ka caktuar një datë për të marrë në pyetje kreun e Partisë Demokratike Lulzim Bashën në lidhje me informacionet që ka pasur me operacionin “Toyota Yaris”.
Ka qenë Prokuroria belge që ka kërkuar që edhe Basha të merret në pyetje për ngjarjen në fjalë, ku u sekuestruan 3.4 milionë euro në portin e Durrësit.
Ata kanë dërguar katër pyetje të cilave duhet tu përgjigjet Lulzim Basha, pasi ky i fundit denoncoi Taulant Ballën si të lidhur me transportin e parave.
Kujtojmë se aksioni për bllokimin e sasive të eurove u finalizua me 24 qershor të vitit të kaluar, ndërsa eurot me prerje të ndryshme ishin fshehur në një makinë tip “Toyota Yaris” pa targa. Mjeti ishte nisur nga Belgjika dhe nuk kishte destinacion përfundimtar.
Mjeti tip “Toyota Yaris”, ku u gjetën paratë ishte në një koncesion bashkë me mjete të tjera të cilat ishin porositur për shitje në Shqipëri. Autoritetet shqiptare janë duke hetuar për dërguesin si dhe porositësin e mallit, ndërsa sot në pyetje janë marrë personat e mësipërm, të cilët kanë mohuar të kenë patur dijeni për sasinë e parave.
