Zëvendëskryeministri Erion Braçe, teksa ka folur për përgjimet e publikuara ditën e djeshme nga gazeta gjermane “Bild”, ka treguar emrin e prokurorit që sipas tij shiti dosjen “339”, për blerjen e votës në zgjedhjet parlamentare të vitit 2017.
I ftuar në “Open”, Braçe deklaroi që prokurori i cili ka marrë në dorë dosjen dhe ka shpërndarë pjesë të saj është Besim Hajdarmataj.
Ndër të tjera, zv.kryeministri u shpreh se Hajdarmataj nuk e ka hetuar materialin që ka marrë nga policia dhe prokurori i Kavajës, Anton Martini.
