Edhe kryetari i Partisë Republikane, Fatmir Mediu, ka reaguar pas publikimit të përgjimeve nga media më e madhe në Gjermani, ‘Bild’. Mjaft i revoltuar, ai thotë se ky pushtet nuk njeh kufi as në inkriminim, as në korrupsion, dhe as në shkatërrimin e interesave kombëtare.
Mediu nënvizon se e gjithë kjo skemë për blerjen e votave, bëhet nën komandën e kryeministrit Rama. Ai ka një apel ndaj të gjithë shqiptarëve, që të mos rrinë në heshtje, pasi e drejta e tyre po shkelet me këmbë.
Statusi
Ky pushtet nuk njeh kufi as në inkriminim, as në korrupsion dhe as në shkatërrimin e interesave kombëtare.
Blerje, vjedhje votash, kërcënim, jo nga bandat, por nga drejtuesit e PS-së, nën komandën e Ramës.
Paracaktojnë sa deputetë do marrin 10-0.
Rama thotë do bëj zgjedhje prapë me kriminelë dhe banditë, blerje, vjedhje, kërcënime.
“Gjithë pushteti Sovjetëve” krimit dhe korrupsionit.
Nëse shqiptarët ulin kokën sot, dhe nuk qëndrojnë për të mbrojtur pluralizmin, të drejtën e tyre të votës, do të jenë të humbur e të dhunuar, nga një diktaturë e re e Krimit dhe Korrupsionit. Komunizmi do të zëvendësohet me Rilindjen e vrasjes së të sotmes dhe të ardhmes.
