Ish-deputeti i PD-së, Bardh Spahia është përplasur me ministrin e Brendshëm, Sandër Lleshaj në spital ku ishin duke marrë ndihmën e parë disa policë dhe protestues të lënduar. Në momentin që Lleshaj ka dalë nga spitali dhe ka ndaluar të flasë për mediat ka ndodhur edhe incidenti ku Spahiu është shprehur se edhe serbët nuk sillen kështu.
Debati
Spahia: Ministri e ka mbushur spitalin me policisë dhe civile dhe ka largu mjekët, ish deputetë përfaqësues të opozitës. Ky është pushteti i sotëm, fytyra e shtetit të ministrit në fjalë, i kanë ditët e numëruara.
Lleshaj i drejtohet të largohet.
Spahia: Puna ime është t’u pengoj ju të trajtoni shqiptarët si serbë, kjo është puna ime.
Lleshaj: T’ju vijë turp.
Spahia: Turp tu vijë ju, shko shihi plagët atyne njerëzve, shko shifi e ke mbushur spitalin me policë.
Lleshaj: Me çfarë statusi ke ardhur këtu.
Spahia: Me statusin e përfaqësuesit të opozitës, jo me atë opozitë që keni bërë ju. Kur u bëre ti ministër imagjino çfarë statusi duhet, me mu flet ti ashtu, po ik mbaj përgjegjësi. E keni afër fundit, edhe serbët nuk sillen kështu, shiko si i keni bërë.
Lleshaj: Kush i ka bërë kështu, dorën tënde të zezë, që ua ke bërë edhe qytetarëve edhe policëve, more i pafytyrë.
Spahia: Edhe policët që i lini pa mbrojtje, ca doni mos me protestu njerëzit.
