Shqipëria së bashku me Maqedoninë e Veriut kanë marrë sot rekomandimin nga Këshilli Evropian për çeljen e negociatave me Bashkimin Evropian, pas raportit të prezantuar nga eurokomisioneri Hahn.
Sigurisht, ky lajm ka gëzuar çdo shqiptar, megjithatë Hahn ka një paralajmërim. Eurokomisioneri deklaroi se duhet pasur parasysh se procesi i çeljes së negociatave zgjat me vite, duke u varur plotësisht nga merita e çdo vendi.
Ai mori më tej shembullin e Kroacisë, duke rikujtuar se procesi i çeljes së negociatave për këtë vend zgjati plot 8 vite, duke dhënë një mesazh se ky rekomandim nuk duhet të kënaqë kandidatët por duhet të vijohet me ‘plotësimin e detyrave’.
“Çelja e negociatave nuk do të thotë se integrimi është tashmë vendimi i radhës, ky është një proces i gjatë që zgjat disa vite. Për shembull, kujtojmë se Kroacia është shteti më i ri i BE, por procesi i negociatave ka zgjatur 8 vite.
Të mos besohet se celja e negociatave do jetë më e shkurtër për vendet e tjera, por varet nga integrimi i një vendi”, paralajmëroi Hahn./ Tirana Today
