Ndonëse nga ana e ish-deputetëve të PD-së u tha se gjatë protestës së opozitës nuk do të kishte aspak incidente, dhe se nuk do të përdoreshin mjete të forta, në fakt ka ndodhur krejt e kundërta.
Protestuesit, mjaft të tensionuar, kanë hedhur gurë dhe bojë në drejtim të Kryeministrisë. Përpos mjeteve identifikuese të cilat ishin balonat e tepsitë me mbishkrimin “Rama ik”, protestuesit e ardhur nga të gjitha qytetet e Shqipërisë, kanë mbajtur në duar edhe lekë të printuar.
Vjedhja e votës, e cila është përçuar prej kohësh nga ana e opozitës së bashkuar, është sjellë në mënyrë figurative nga ana e protestuesve.
