Nëse keni pyetur se ku është zhdukur moderatorja Kiara Tito, tashmë së shpejti do ta shohim me programin që e bëri të njohur. Ajo ka lajmëruar fansat e saj se shumë shpejt do të rikthehet në ekran.
Kiara ka ndarë me ndjekësit një video në Insta Story, ku rikthen puntatën e qershorit të 2018-s, ndërsa qëndron para një ekrani ku lexohet emri i emisionit “Doktor Plastik”, që u transmetua në “TV Klan”.
Dhe pikërisht është i njëjti televizion që e rikthen Titon para publikut. “Kujt i mungon ‘Doktor Plastik’? Së shpejti”, shkruhet në postimin e saj, ndërsa Kiara nuk ka ndarë të tjera detaje.
