Pas Partisë Socialiste, në Komisionin Qëndror të Zgjedhjeve janë regjistruar edhe tre parti të tjera. Lëvizja e radhës ka ardhur pas PS, ku tre aleatët e Bashës janë regjistruar në KQZ.
Duke iu referuar njoftimit të KQZ, mësohet se janë regjistruar si objekt zgjedhor për zgjedhjet që do të mbahen më 30 qershor: “Partia Aleanca për Demokraci dhe Solidaritet’’, “Partia Bashkimi Demokrat Shqiptar” dhe “Partia Ora e Shqipërisë’’.
Ndonëse opozita e bashkuar ka dalë nga Kuvendi dhe nuk pranon të futet në zgjedhjet e qershorit, aleatët e kanë ‘tradhtuar’ Bashën.
Vlen të theksohet se KQZ u ka lënë partive politike afat deri më 21 prill për tu regjistruar për në zgjedhjet e 30 qershorit. Mbetet për t’u parë nëse do të ketë ‘rrjedhje’ nga aleatët e afërt të Bashës.
