Gruaja e Admir Muratajt, pasi ka këqyrur trupin ka konfirmuar se i ndjeri është bashkëshorti i saj. Ajo është thirrur nga ana e policisë, e gjatë mëngjesit iu drejtua morgut, ku dhe ka identifikuar viktimën.
Kujtojmë këtu se që në orët e para të ditës, në polici u thirrën gruaja dhe i vëllai i Admir Muratajt.
I vëllai i tij kishte dyshime, por tashmë çdo gjë është konkretizuar nga bashkëshortja e të ndjerit.
“Zyrtarisht nuk dimë gjë për vëllanë. Familja jonë po merr ngushëllime. Policia nuk ka konfirmuar se i vrari është Admir Murataj”, deklaroi më herët i vëllai.
Ata kanë deklaruar se personi i vrarë është Murataj, duke kërkuar përshpejtimin e procedurave për të marrë në banesë kufomën.
Bashkëshortja e viktimës është shprehur se nuk është e nevojshme që të kryhet ADN-ja, pasi ajo mund ta konfirmojë.
