Kryetarja e LSI, Monika Kryemadhi e ftuar në ‘Repolitix” ka akuzuar kryetaren e bashkisë së Roskovecit, Majlinda Bufin, teksa thekson se duhet të ndiqet në SHBA për pastrim parash.
“Kryetarja e bashkisë së Roskovecit duhet të ndiqet në SHBA për pastrim parash. Amerikanët rrinë dhe në momentin që bëhen shumë i marrin pastaj. E ka ka provuar Edi Rama dhe e di se cfarë do të thotë” tha ajo.
Kryemadhi ka folur dhe për reformën në drejtësi, për të cilën tha se është penduar që ka votuar 7 ligjet e reformës në datën 30 mars të vitit 2017, ndërsa ndërkombëtarët i quan “burokratë” pasi kanë harxhuar mbi 40 mln euro dhe kanë mashtruar veten e tyre.
“A jeni penduar? Unë po. Sepse problemet që ngriti PD-ja kanë dalë të vërteta sot, po të kishim reflektuar në propozimet e PD-së do të kishim një SPAK dhe Byronë të ngritur. Nuk do të ishim në kushtet që jemi sot, pa Gjykatë të Lartë dhe Kushtetuese. 7 ligjet vonuan të gjithë procesin. Ndërkombëtarët kanë harxhuar mbi 40 mln euro dhe kanë mashtruar veten e tyre. Teknikë, burokratë” tha ajo.
Sa i përket hapjes së negociatave, kryetarja e LSI-së nuk shfaqet optimiste se Shqipëria do të marrë një përgjigje pozitive në qershor.
“Ata nesër kur të hetojnë se paratë e tyre që janë vjedhur në Shqipëri, do të mbajnë përgjegjësi edhe fëmijët e shqiptarëve. Një gabim që bën një ambasador këtu, kostoja është e shqiptarëve.
Sipas Ramës dhe Flekenshtain ne i kemi hapur negociatat. Hahn thotë prapë do e bëjmë rekomandimin, se është i detyruar, por do të shtojnë edhe ca kushte të tjera, azilkërkuesit. Hahn pas datës 23 maj nuk është më dhe cilat do të jenë raportet që do të ketë KE-ja? Ministri holandez i futi një kërbaç Shqipërisë“, deklaroi Kryemadhi.
