Një shqiptar që banonte në Zvicër ka humbur kontaktet me familjen, duke u zhdukur pa lënë gjurmë.
Sipas policisë Kantonale të Freiburgut, Driton N., 40 vjeç me banim në Roens të Kantonit të Freiburgut, nuk është parë që nga 16 ose 17 marsi 2019.
Në njoftim jepen detaje të pamjes fizike të 40-vjeçarit, i cili ka konstrukt mesatar të trupit, gjatësi prej 165 cm, flokë të shkurta, të zeza, sy ngjyrë gështenje. Ai flet në gjuhën frënge dhe në atë shqipe.
Ndërkaq, policia bën thirrje se dëshmitarët që e kanë parë ose kanë informacione për të, mund të lajmërojnë Policinë Kantonale të Freiburgut, në numrin e telefonit: 026 304 17 17 ose të njoftojnë në stacionin më të afërm policor.
