Zv. Shefi i Misionit në Detyrë, Daniel Koski, deklaroi se Reforma në Drejtësi vazhdon të ecë përpara, ndërsa u shpreh se SHBA ndihet krenare për ndihmën që u jep këtyre institucioneve ndërsa shohin që po ecin në rrugën e duhur.
“Reforma në Drejtësi vazhdon të ecë përpara, në rrugën e duhur, sipas planit. Shtetet e Bashkuara janë krenare për ndihmën që po u jepet këtyre institucioneve ndërsa ecin përpra”, deklaroi Koski.
Gjatë një konference, Koski tha se Shqipëria do të ketë shumë shpejt sistemin e ndershëm dhe transparent të drejtësisë që Kushtetuta parashtron.
Ai shprehet i bindur se Reforma në Drejtësi nuk do të ndalojë, ndaj, sipas tij shqiptarët duhet të ndihen të sigurtë.
Lajmi është pasqyruar edhe nga Ambasada Amerikane:
Reforma në Drejtësi vazhdon të ecë përpara, në rrugën e duhur, sipas planit. Shtetet e Bashkuara janë krenare për ndihmën që po u jepet këtyre institucioneve ndërsa ecin përpra. Shqipëria do të ketë shumë shpejt sistemin e ndershëm dhe transparent të drejtëisë që Kushtetuta parashikon.
Qytetarët shqiptarë duhet të ndihen të sigurtë për këtë gjë – reforma në drejtësi nuk do të ndalojë.” Zv. Shefi i Misionit në Detyrë Dan Koski në Konferencën Planifikimi Urban dhe Zhvillimi Ekonomik Vendas.
