FSHF-ja është në kërkim të një trajneri për Kombëtaren, pas shkarkimit të Christian Panuccit. Emrat që dëgjohen janë të shumtë.
Por shqiptarët duket se nuk harrojnë dot Giani De Biasin, padyshim trajnerin më të suksesshëm të kombëtares. Me trajnerin italian Shqipëria ka shkuar në Europianin e 2016-ës dhe ka bërë shumë paraqitje të mira duke pasur dhe një model loje të qëndrueshëm.
De Biasi përmes një postimi në faqen e tij zyrtare në “Facebook”, ka bërë me dije se ka krijuar një shkollë futbolli për të rinjtë. Por ajo që bie në sy është fakti se në komente kishte shumë fansa shqiptarë, që i kërkojnë atij të kthehet dhe të marrë drejtimin e Kombëtares.
De Biasi ka lënë vetëm kujtime të mira te shqiptarët, të cilët e kërkojnë pas. Në vetëm pak minuta ai ka marrë shumë komente ku shumica ishin nga shqiptarët.
