Një aksident i rëndë ka ndodhur pasditen e sotme në rrugën Turizëm-Kanali Cukës, në Sarandë.
Një motoçikletë ka humbur kontrollin, dhe ka dalë nga rruga. Burimet bëjnë me dije se është plagosur rëndë, dhe ka rënë në gjendje kome një 18-vjeçar.
I riu është dërguar fillimisht drejt spitalit të Sarandës, por për shkak të frakturave në të gjithë trupin dhe përkeqësimit të gjendjes shëndetësore, është nisur me helikopter drejt Spitalit të Traumës në Tiranë.
