Florian Marku ndryshon disiplinë, por mbetet në ring. Pas sukseseve në Artet Marciale Mikse, ai ka nisur karrierën në boks, duke regjistruar fitoren e dytë si profesionist.
Marku u ndesh në Londër me sllovakun Ivan Gondor, i mbështetur nga tifozët e shumtë shqiptarë. Dueli zgjati vetëm dy raunde, me kundërshtarin që nuk i rezistoi grushteve të luftëtarit 26-vjeçar. Pas festës dhe atmosferës së jashtëzakonshme të krijuar në kryeqytetin anglez, Florian Marku njoftoi se dueli i radhës do të jetë më 27 prill.
