Të bëhesh nënë është një nga ëndrrat e çdo femre. Por, ndonjëherë jeta rrjedh aq shpejt, saqë vitet ikin pa e kuptuar.
Kështu ka ndodhur edhe me Rozana Radin, e cila në karrierën e saj si këngëtare, aktore, moderatore por edhe si sipërmarrëse, ka pasur pak kohë për veten.
E ftuar në emisionin “Mos i fol shoferit” me Rudina Dembaçajn, këngëtarja tha se tani është koha që t’i dedikohet më shumë vetes dhe partnerit, pse jo edhe sjelljes në jetë të një fëmije.
“Nuk kam patur kohë të bëhem nënë. Kam qenë shumë e zënë. Por sigurisht, ka ardhur momenti biologjik që duhet ta marrim seriozisht dhe t’i futemi punës”, ka thënë Rozana.
