Dy kandidatë të tjerë, pjesë e listave shumëemërore të PD dhe LSI, kanë devijuar nga vendimi i grupeve dhe kanë vendosur të pranojnë mandatin e deputetit, ndonëse opozita vijon të protestojë.
Bëhet fjalë për Amra Borova, e treta në listën e kandidatëve për deputetë të LSI në Shkodër dhe Arben Elezi, i pesti në listën e PD për Elbasanin.
Ata kanë dorëzuar formularin e dekriminalizimit në KQZ, në pritje të marrjes së mandatit të deputetit.
