Ish-kryeministri Sali Berisha ka publikuar një video mesazh një ditë para protestës, ku numëron arsyet se përse shqiptarët do protestojnë kundër qeverisë.
Në video shkruhet se shqiptarët janë të fortë e me kurajë dhe e kanë fatin e tyre në dorë, prandaj janë ngritur të gjithë në këmbë.
“Qeveria na ka tradhtuar, por ne nuk i tradhtojmë fëmijët tanë, ndaj protestojmë. Qeveria na ka dhunuar, por ne jemi ende të fortë dhe me kurajë, ndaj protestojmë. Qeveria na ka vjedhur e varfëruar, por ne kemi ende shpresa dhe ëndrra, ndaj protestojmë. Qeveria na ka shpërfillur e harruar, por ne e kemi fatin në dorën tonë, ndaj jemi ngritur të gjithë në këmbë. Ne jemi ende shqiptarë krenarë, ne jemi ende qytetarë europianë, ne jemi ende njerëz të lirë, ndaj nuk trembemi, nuk nënshtrohemi, por ngrihemi dhe fitojmë”, thuhet në video.
