Kapet në Qafë Morinë një ndër personat për të cilët është prerë urdhër arresti për skemën e fajdeve në Shkodër.
Shtetasi I.S., 38 vjeç u kap në tentativë për të kaluar kufirin, teksa udhëtonte drejt Kosovës e më pas do të ikte jashtë vendit.
Operacioni po vijon për kapjen edhe të katër shtetasve të tjerë. Deri më tani janë arrestuar 12 persona dhe sipas Prokurorisë, në këtë skemë janë përfshirë 22 persona, duke përfshirë ish-kancelarë në Gjykatën e Shkodrës, noterë dhe policë.
Po ashtu, në pranga ka përfunduar edhe Artan Dragani, ish kancelar në Gjykatën e Shkodrës si dhe është pezulluar nga detyra noterja Valbona Hajdari dhe polici Ergys Lohja.
Dhënia e huave bëhej për interesa të larta që varionin nga 3%-20% në javë nga ana e personave të implikuar. Nëse nuk kthehej shuma e huas, sekuestroheshin makinat dhe pronat e personave që kishin marrë huanë.
