Deputeti i PS-së, Ervin Bushati i ftuar në studion e emisionit “Mbrëmje në ABC News”, ka komentuar vendimin e Gjykatës së Apelit Tiranë, e cila ka pranuar padinë e bërë nga PD në tetor të 2018. Partia Demokratike ka denocnuar Ervin Bushatin për fshehje të pasurisë.
Bushati është përgjigjur duke thënë se të gjitha pasuritë i ka të deklaruara, ndërsa theksoi që Partia Demokratike mund ta ndjekë sa të dojë, në prokurori, gjykata, edhe në ILDK.
“Unë kam edhe një çështje tjetër që më ka hapur Erjon Isufaj, më duket e ka emrin kunati i zotit Basha, dhe më ka hapur një padi civile për prishje imazhi. Dhe më vjen mirë që reagon PD vetëm kur i preket interesi i kunatit. Nuk e di unë i kam të gjitha të deklaruara në deklarimin e pasurive, në dekriminalizimin e të gjitha këto bashkë. Gjithë deklarimet e mia janë mëse të qarta shumë herë për disa vite me radhë. Që u kujtua tani PD tregon se ajo kujtohet kur i preket interesi personal i kunatit. Megjithatë do të sqarohen derisa nuk ka çështje dhe është e mbyllur në Prokurori”, deklaroi Bushati.
I pyetur nëse ka pajtuar ndonjë avokat për këtë çështje, deputeti i PS-së përgjigjet:
“Për çështje civile po, ndërsa për këtë po njoftohem sot.”
