Kthimi i Zinedine Zidanet tek Real Madrid pritet të sjellë një revolucion të gjerë. Do të ketë shumë largime dhe emra të rinj në kampin e galaktikëve. Francezi u largua vetëm 7 muaj më parë me tre Champions të fituara rresht dhe tani pas telefonatës së Perez vendosi që të rikthehet.
Gjigantët spanjoll kanë kaluar një periudhë zhgënjyese pasi kanë dalë jashtë garës për trofeun e La Ligas, Copa del Rey dhe Champions Leagues.
Me ardhjen e Zizu, mediat tashmë kanë filluar të spekulojnë edhe për ndryshimet në formacionin startues. The Sun ka përpiluar njëmbëdhjetëshen e mundshme të francezit e quajtur “Galaktikët II”.
David de Gea shihet si portier i ri ndërsa në vijën mbrojtëse nuk do të ketë ndryshime që përbëhet prej Regullion, Varane, Ramos dhe Carvajal.
Në mesfushë nuk gjendet treshja Casemiro, Modric dhe Kross dhe në vend të tyre do të vijnë Paul Pogba (Man.United), N’Golo Kante (Chelsea) dhe Chrsitian Eriksen (Tottenham).
Edhe në sulm do të ketë ndryshime, ku nuk do ta shohim Bale dhe Benzema, por do të zëvendësohen me Eden Hazard (Chelsea) dhe dyshen e PSG-së, Neymar Jr. dhe Kylin Mbappe.
