Pasi e përjashtuan vajzën e Azem Hajdarit nga jeta partiake e PD-së, menjëherë e kanë zëvendësuar. U reflektua qartë që pati një zhgënjim nga radhët e PD-së në lidhje me vendimin e marrë nga ana e Rudina Hajdarit.
Në një intervistë për “Zërin e Amerikës”, deputetja e PD-së, Rudina Hajdari deklaroi se nuk dorëzon mandatin e saj pasi vetëm në Parlament beson se do të mund t’i shërbej interesave të vendit. Menjëherë pas kësaj vendimmarrje, PD ka vendosur të heq emrin e Rudina Hajdarit si të deleguar në degën 11 në Tiranë dhe të vendos ish-deputetin Enkelejd Alibeaj.
Që nga viti 2013 kur mori mandatin e deputetes në Tiranë, Hajdari zhvillonte takime periodike me banorët e Laprakës në kryeqytet, të cilët i përkasin degës 11 të PD në Tiranë.
Në takimin e zhvilluar nga kjo degë pasditen e djeshme, qëndrimet politike të demokratëve janë mbajtur nga ish-deputeti Alibeaj.
