Pas seancës te Gjykata e Apelit për Krimet e Rënda, avokati i Tahirit ka folur për mediat, duke thënë se Prokuroria nuk ka asnjë fakt për implikimin e ish-ministrit në akuzat e ngritura ndaj tij, i hetuar prej dy vitesh për përfshirje në ‘trafikun e drogës’ me grupin kriminal ‘Habilaj’.
Avokati i Saimir Tahirit sqaroi se do të kërkohet pushimi i çështjes për ish-ministrin, duke u shprehur i sigurt se Prokuroria nuk ka asnjë “as” nën mëngë. “Sot çuditërisht kërkoi prapë kohë Prokuroria me arsyetimin, më vjen keq që po e them, se është shumë qesharake se duhet të respektohet e drejta e avokatit për të bërë një memo brenda 10 ditësh”, tha ai.
Ju duket kontradiktore?
Maks Haxhia: Po shumë, megjithatë gjykata e refuzoi dhe la në fuqi vendimin e shkallës së parë.
Ka prova të reja për klientin tuaj?
Maks Haxhia: Ne kemi marrë fashikujt e përgatitur nga Prokuroria, që do t’i çohen gjykatës për të vlerësuar nëse çështja do shkojë në gjyq apo do pushohet. Ne do kërkojmë pushimin e saj. Prokuroria nuk ka asnjë “as” nën mëngë.
Vijon kalvari me drejtësinë, Tahiri shkon me avokatin në gjykatë
