Opozita protestoi sot nga ora 10:00-13:00 para Kuvendit, teksa brenda zhvillohej seanca plenare. Në protestë u shënuan disa incidente, ku nuk munguan djegia e gomave, hedhja e shashkave dhe tymueseve.
Pas mbylljes së seancës dhe largimit të deputetëve tubimi u mbyll, ndërsa protestuesit thirrnin në kor “Rama ik”.
Pak minuta pas mbylljes së protestës, grupi hetimor ka shkuar në vendin e ngjarjes, për të mbledhur provat dhe nisur hetimet.
Nga pamjet e siguruara nga “Tirana Today”, shihen qartë ekspertët e kriminalistikës, të cilët po mbledhin provat para Kuvendit.
