Pak ditë më parë, mjaft bujë bëri lajmi i videos intime nga ana e një polici, ndonëse ky i fundit i ka mëshuar fort faktit se asnjëherë nuk ka ngacmuar ndonjë vajzë minorene seksualisht. Bashkëshortja e policit në Gruemirë të Malësisë së Madhe, ka rrëfyer se si është përballur me këtë lajm, dhe akuzat ndaj bashkëshortit të saj, Berhan Bajrakurti, i denoncuar se ka ngacmuar seksualisht një vajzë 15-vjeçare.
Në një lidhje telefonike për emisionin ‘Me zemër të hapur’ në ‘News24’, bashkëshortja e policit tha se nuk e ka besuar në asnjë moment se bashkëshorti i saj mund ta bënte një gjë të tillë. Ajo tha se bashkëshorti i ka thënë që në krye të herës se çdo gjë ishte e manipuluar, dhe se e kishte besuar. Në martesën e tyre 27 vjeçare, ajo pretendon se të gjitha këto kanë qënë sajesa. Po kështu, ajo ka shtuar se kjo tentativë ka qenë me qëllim për ti shkatërruar familjen.
“Unë dëgjova dhe e mora në telefon, më tha e kanë ndaluar për një problem, por do e zgjidhi. Nuk e besova për asnjë moment atë gjë që doli në fillim”, ka thënë ajo.
Fjalët e para që ju tha bashkëshorti?
Më tha çdo gjë është manipuluar, dhe unë e besova, sepse unë e njoh burrin tim. Kam 27 vite me të dhe këto janë shpifje.
Mendoni se ka pasur qëllime dashakeqe?
Me qëllim e kanë bërë, për të shkatërruar familjen. Ngjarja ishte shumë e pështirë. Të gjithë kanë thënë se janë shpifje.
Si është gjendja emocionale e bashkëshortit?
I vjen inat për çfarë ka ndodhur. Ne i japim mbështetje. Reagimin më të fortë e patën vajzat. Të gjithë jemi ndjerë keq.
Keni një apel ju?
Bashkëshortit i jap kurajo dhe të përballet me drejtësinë. Të tjerëve u kam lënë Zotin.
