Ka përfunduar mbledhja e grupit parlamentar të Lëvizjes Socialiste për Integrim, ku njësoj si në selinë blu, u mor vendimi që të digjen mandatet e deputetëve.
Lajmi u njoftua në një deklaratë të shkurtër të Kryemadhit menjëherë pas mbledhjes, ku u bë e ditur se edhe LSI kërkon një qeveri tranzitore me qëllim rikthimin e shtetit të së drejtës.
“Grupi parlamentar i LSI vlerëson se djegia e mandateve është rruga e vetme për të rikthyer shtetin e së drejtës. Prandaj ai vendosi djegien e mandateve dhe mandaton kryetaren e LSI për të marrë të gjitha hapat statuore dhe politike në përmbushjen e këtij vendimi”, tha ndër të tjera Kryemadhi.
