Kryeministri Edi Rama i ka kërkuar ndjesë artistit Carsten Holler për shembjen e kërpudhës pranë Kryeministrisë.
Pas situatës së tensionuar, ku qytetarët të rebeluar shkëputën kërpudhën, Rama e ka parë të arsyeshme të reagojë në Twitter, duke nënvizuar se pavarësisht se çfarë po ndodh, shqiptarët nuk janë kështu në të vërtetë.
“KEPURDHA – Vepër e Carsten Holler, pjesë e një cikli të ekspozuar në disa muze, dhuruar Kryeministrisë pas një vizite në vendin tonë, që e ktheu artistin e famshëm bashkëkohor në një ambasador të Shqipërisë e shqiptarëve. Ndjesë Carsten, kjo s’është Shqipëria këta s’janë shqiptarët”, shkruan Rama.
