Pak ditë më parë një përmbytje e madhe nxori në rrugët e qytetit Flying Fish Point në Queensland, Australi, krokodilë dhe gjarpërinj duke rrezikuar jetët e banorëve. Por tashmë edhe pse uji është larguar rreziku vazhdon të mbetet i madh.
Një gjarpër i llojit piton, rreth 3 metra i gjatë ka hyrë në kopshtin e një familje dhe ka gllabëruar qenin e tyre. Familjarët menjëherë kanë thirrur John Boettcher, një gjahtar gjarpërinjsh për ta izoluar atë. Banori i quajtur, ka filmuar ngjarjen me bashkëshorten dhe më pas kanë izoluar pitonin gjigant.
John, 43 vjeç, tha: “Kur arritëm, mendova: ‘wow, ky është një gjarpër me të vërtetë i madh. Ishte e vështirë ta zhvendosje pitonin nga ai vend në një tjetër, pasi rrezikon që aty të kishte edhe të tjerë që mund të mblidheshin.
Pas shiut të madh që kemi pasur ditët e fundit, pitoni duhet të ketë dalë në kërkim të ushqimit dhe përfundoi në një zonë të banuar. Pronari i shtëpisë që na thirri ishte i shqetësuar pasi gjarpri kishte sulmuar qenin e tij gjerman “Shepard”, i cili është shumë i rrallë.”
Pitonët janë gjarpërinjtë më të mëdhenj në Australi dhe mund të rriten deri në 8 metra. Edhe pse nuk janë helmues, ata mund të shkaktojnë një pickim të dhimbshëm. TIRANA TODAY
