Teksa protesta e studentëve vijon prej orës 10 para Ministrisë së Arsimit, kryemistri Edi Rama i ka ftuar në dialog këta të fundit.
Në një postim në Facebook, Rama shkruan: Dialog për Universitetin Facebook LIVE, e hënë 10 dhjetor ora 11:00.
Kujtojmë se studentët janë shprehur kundër çdo negociate me Kryeministrin apo ministren Nikolla, pasi sipas tyre nuk kanë ç’të diskutojnë, por duhen pranuar të gjitha kërkesat.
Sipas studentëve, “Kur miratuan VKM-në nuk na pyetën, nuk kërkuan dialog apo negociata, edhe tani ne jemi të vendosur, kemi dërguar 8 kërkesa, nuk ka negociata. Nëse Kryeministri do, le të vijë në shesh, por jo me fjalë. Me 8 vendime, me kërkesat e pranuar.”
