Avokati Spartak Ngjela është i mendimit se presidenti Meta është i trembur nga propozimi i Sandër Lleshit, aq sa nuk e dekreton. Ai që në krye të mesazhit kritikon ashpër Metën, ku thotë se ai nuk ka të drejtë që të mos dekretojë një ministër.
Mjaft i ashpër në qëndrimin e tij, Ngjela e cilëson aktin e ndërmarrë nga presidenti Meta si një turp historik. Po kështu ai i vë në dukje Metës se ministri juridikisht nuk është gjë tjetër, vetëm kompetenca e deleguar e kryeministrit.
Avokat Ngjela ka ende shumë dyshime, por përçon idenë se emrin e Sandër Lleshit e ka propozuar politika gjermane, ose ajo amerikane.
