Kryeministri i Edi Rama po merr pjesë në punimet e Samitit të Frankofonisë. Ai do mbahet nga data 8 deri 12 tetor, në Erevan. Rama ka publikuar një video në “Facebook”, teksa shfaqet me presidentin e Kosovës, Hashim Thaçi dhe me presidentin e Francës, Emanuel Macron. Ky i fundit shfaqet duke biseduar me dy liderët shqiptarë, por tematika nuk dihet.
Por vjen të kujtomë, se Franca është kundër hapjes së negociatave të Shqipërisë me BE. Në një intervistë për mediat gjermane, Rama ka folur me tone të ashpra. Mediat shkruajnë se kryeministri kishte qenë me humor të keq. Sipas tyre ai më shumë thërriste se sa fliste. “Bashkimi Evropian është absolutisht i paparashikueshëm”, tha Rama në bibliotekën e zyrës së tij.
“Përpjekjet tona nuk janë vlerësuar mjaftueshëm nga evropianët ”, thotë Rama për median gjermane haz.de. Ai më tej tha: “Ne jemi bërë lodër e politikës së brendshme evropiane”.
Shqipëria dëshiron të bashkohet me BE. Nëse do të ishte vetëm me vullnetin e Tiranës dhe Komisioni Europian, bisedimet për anëtarësim në BE të vendit mund të fillojnë së shpejti. Në qershor, Komisioni rekomandoi hapjen e negociatave. Por disa Shtete Anëtare të BE janë kundër, veçanërisht Franca. Ndërsa qeveria federale po punon shumë për të sjellë Ballkanin Perëndimor më afër BE-së, Paris definitivisht po thotë “jo”. Arsyeja është vetë presidenti Emmanuel Macron. Ai do ta zvarrësi situatën deri në zgjedhjet evropiane që do mbahen në maj të 2019. Zyrtarisht, Parisi e ka justifikuar bllokadën që i ka bërë Shqipërisë lidhur me korrupsionin dhe krimin e organizuar që mbizotëron më vendin me 2.8 milion banor.
