Elvana Gjata është munduar me çdo kusht që të mbante lidhjen e saj mjaft personale, e me mjaft kërshëri u prit edhe intervista e dhënë muaj më parë me Ermal Mamaqin. Në një intervistë ekskluzive në “Xing me Ermalin”, Elvana Gjata pranoi publikisht se ishte në një lidhje dashurie. Në kohë reale, mediat rozë bënë publike faktin se ajo ishte në një lidhje me një biznesmen, për të cilën nuk jepeshin shumë detaje.
Gjatë intervistës në shtëpinë e këngëtares, Ermali e ngacmoi paksa duke i thënë: “Po mirë mi goce, vajte 62-vjeç edhe ngele gjithë jetën beqare”.
“Mesa duket gjërat kanë ndryshuar”, iu përgjigj Elvana. “E ke parasysh kur ke një gjë të mirë, dhe s’do që ta… ke frikë”, shtoi këngëtarja.
“Unë mendoj që Zoti është treguar shumë i mirë me mua, më ka sjellë një fat shumë të mirë”, u shpreh Elvana, ndërsa Ermali e uroi: “Hajde në dasmë o Zot” dhe e pyeti: “A është familje e mirë?”
“Ah sa e bukur ishte kjo”, e përmbylli bisedën Elvana, për të mos zbuluar më shumë.
