Përmendja e termave “kufij”, nga ana e kryeministrit grek dhe komisionerit për Zgjerimin Johannes Hahn e kanë komplikuar edhe më tej çështjen e marrëveshjeve midis Shqipërisë dhe Greqisë.
Deklaratat e Tspirasit dhe Hahn kanë krijuar një furtunë në mediat shqiptare dhe ato greke. Ndërsa vetë komisioneri u spërdrodh sot që të sqaronte keqkuptimin me fjalën e përdorur pak ditë më parë. Ndërsa shtoi se historia e marrëveshjes midis dy vendeve përfundon brenda dy javësh.
Megjithatë, mediat greke dhe ato shqiptare po ziejnë për skenarë të tjerë që lidhen me kufijtë dhe që po diskutohen në prapaskenë midis dy kryeministrave.
Sipas medieve greke, të cilat iu referohen burimeve qeveritare theksojnë se ka një farë të vërtete në këtë rast pasi vetë kryeministri grek ka përmendur termin “kufij”, që nuk lidhen vetëm me ata detarë.
Pavarësisht kësaj, autoritetet greke hedhin poshtë pretendimet e mediave duke e cilësuar këtë, si një “furtunë mediatike” dhe si një temë që po krijohet nga hiçi lidhur me kufijtë detarë dhe ata tokësorë midis dy vendeve. Ndërsa e kanë konsideruar zhurmën një sjellje të rrezikshme nacionaliste.
Ndërkaq, nga ana e tij, kryeministri Edi Rama në konferencën me komisionerin Hahn, tha se ata që akuzojnë për tradhti do të dalin me turp nga kjo histori.
Pak ditë më parë, homologu i kryeministrit Rama, Aleksis Tspiras, në një konferencë për shtyp pas takimit të NATO-s me presidentin turk Rexhep Tajip Erdogan, iu referua negociatave me Shqipërinë duke thënë: “Të dy çështjet që mbeten, përtej Zonës Ekskluzive Ekonomike, janë çështja e ligjit të luftës dhe kufijve, për të cilat ne jemi shumë pranë gjetjes së një zgjidhjeje. Megjithatë, për këto çështje kemi kaluar në një pikë jashtëzakonisht të rëndësishme. Por, nuk mund të themi se kemi përfunduar gjithçka. Rashë dakord me homologun tim shqiptar që në javët e ardhshme që dy ministrat e Jashtëm të rrisin përpjekjet e tyre pa pasur ndonjë presion të veçantë për të parë se deri në ç’masë do të mund të kemi një zgjidhje pozitive sa më shpejt që të jetë e mundur”
Këto deklarata ishin shkaku i gjithë “zhurmës” që u krijua. “Meqenëse fqinjët tanë po shfrytëzonin një një formulim të papërshtatshëm të Komisionerit Hahn, i cili u sqarua duke iu referuar Zonës Ekskluzive Ekonomike, tani po angazhohen në skenarë të reja të shkencës”, thonë burimet qeveritare greke, sipas vetë medieve atje.
Ndërsa vetë autoritetet shtojnë se “keqkuptimi që ka ndodhur me kryeministrin Tspiras mbi çështjen e kufirit me Shqipërinë, është se ai i referohet çështjes së mirëmbajtjes së piramidave në kufijtë ekzistues me vendin fqinj”.
TIRANA TODAY
