Ata u “derdhën” nëpër ambasadat e huaja, duke i dhënë goditjen fatale diktaturës. Qytetarët e thjeshtë u solidarizuan me ta, Ramiz Alia i cilësoi ”jashtëqitje” e kombit.
Pas 28 vitesh, më shumë se 1.5 milionë shqiptarë jetojnë të shpërndarë nëpër botë. Në fillim, të gjithë brohoritëm “Ta bëjmë Shqipërinë, si gjithë Evropa!”. Deri tani kemi dështuar: Pas 3 dekadash, Evropa nuk na i ka hapur ende dyert. Shqiptarët vazhdojnë të emigrojnë, duke e ndërtuar Evropën atje ku ajo është.
Ndërsa këtu kanë lënë të livadhisin një tufë politikanësh batakçinj. Emigrantët kanë mllefe ndaj tyre, dhe mund t’u kishin dhënë me kohë përgjigjen e merituar. Politikanët e dinë këtë, ndaj dhe nuk i lejojnë të votojnë në zgjedhje. Ata vijojnë të qëndrojnë në pushtet falë mjerimit, ku e kanë zhytur shumicën e shqiptarëve. TIRANA TODAY
