Në aksin Gjirokastër-Tepelene ka ndodhur një aksident ku një automjet me drejtues një 20-vjeçar ka dalë nga rruga.
Shoferi i automjetit është një shtetas italian, ndërsa bashkë me të ndodheshin edhe 3 shtetas shqiptarë.
Aksidenti ka ndodhur në aksin nacional Gjirokastër-Tepelenë, në vendin e quajtur “Ura e Kardhiqit”, ku ka dalë nga rruga mjeti autoveturë, tip “Fiat” me targa italiane ES 440 CA, me drejtues shtetasin Italian M.P., 20 vjeç, banues në Bari.
Në mjet ndodheshin edhe tre shtetas shqiptarë, përkatësisht M.S., 17 vjeç, Xh.S., 20 vjeç dhe F.Gj., 19 vjeç të tre banues në Tiranë.
Shtetasit u shoqëruan në spitalin Rajonal “Omer Nishani”, Gjirokastër, me dëmtime të lehta, të cilët ndodhen nën kontrollin e mjekëve, për momentin janë jashtë rrezikut për jetën. Nga grupi hetimor po kryhen veprimet për përcaktimet e shkakut të këtij aksidenti.
