Teuta ka bërë një hap mjaft të rëndësishëm në garën për mbijetesë, pasi ka mposhtur Kukësin dhe ka përfituar nga barazimi 0-0 i Vllaznisë me Kamzën. Nga kjo disfatë e Kukësit ka përfituar Skënderbeu i cili është shpallur matematikisht kampion i sezonit 2017/18.
Ishin miqtë e Kukësit ata që kaluan të parët në avantazh me atë i cili aktualisht është golashënuesi më i mirë i kampionatit, Sidrit Guri. Por golat e Hilës, dhe Cybraj në pjesën e parë kanë përmbysur gjithçka.
Menjëherë pas pushimit ishte Hrkac ai që shënoi golin e tretë duke u dhënë një farë sigurie vendasve. Guri rihapi takimin në minutën e 67’ falë të përhershmit Guri.
Ndërsa në Shkodër u zhvillua një arenë “luftë”, por nga i cili askush nuk doli i fituar. Vllaznia kërkonte fitoren me çdo kusht dhe ishte gjatë gjithë kohës në sulm, por nuk arritën të jenë të saktë para portës. Në pjesën e dytë ndeshja u tensionua shumë, pasi lojtarët e Kamzës përpiqeshin të vononin lojën duke ditur që barazimi ishte në favorin e tyre. Kjo ka sjellë edhe konfrontime mes lojtarëve. Në fundin e takimit Sebino Plaku ka shënuar një gol, por arbitri Meta e ka ndaluar për pozicion jashtë lojë, rast që do sjellë shumë polemika. Ndërsa Sukaj lëshon një prell nga distanca por që u ndal nga portieri.
